Headlines News :

Popular Posts

ခေတ်သစ် တက္ကသိုလ်ဆိုသည်မှာ


21-May-2017 

ကနေဒါနိုင်ငံ တိုရွန်တိုတက္ကသိုလ်တွင် ဖြစ်သည်။ မေလ ၁၉ ရက်နေ့က တက္ကသိုလ်ကျောင်းဝင်းထဲသို့ ကလေး ၁၂၀၀ ခန့် ရောက်လာကြသည်။ ထိုကလေးများမှာ အွန်တေရီယို အထက်တန်းကျောင်းမှ ကျောင်းသားများဖြစ်သည်။ ၄ တန်းမှ ၈ တန်း အဆင့်အထိ ကျောင်းသားများသည် ‘စူးစမ်းမှုများကို မြှင့်တင်ခြင်း’ ဆိုသည့် အစီအစဉ်တစ်ခုတွင် ပါဝင်ရန် တက္ကသိုလ်သို့ ရောက်လာကြသည်။

တိုရွန်တိုတက္ကသိုလ်မှ နောင်တော်၊ အစ်မတော်ကြီးများက ညီငယ် ညီမငယ်များကို နွေးထွေးစွာ ကြိုဆိုကြသည်။ တက္ကသိုလ်ထဲတွင် STEM (Science, Technology, Engineering, Mathematics) ဆိုသည့် ပညာရပ်ဆိုင်ရာပြပွဲ၊ ဟောပြောပွဲ၊ ဆွေးနွေးပွဲများကို တစ်နေကုန် ကျင်းပမည်။ ကျောင်းသားလေးများ၏ စွမ်းရည်ကိုလည်း ပြကြမည်။ သူတို့ လေ့လာထားမှုတွေကို ဖော်ထုတ်ကြမည်။ အတွေ့အကြုံတွေ ဖလှယ်ကြမည်။ အလွန်ကောင်းမြတ်သည့် အစီအစဉ်တစ်ခုကို လုပ်ဆောင်နေကြခြင်းဖြစ်သည်။

ကျောင်းသားတွေအားလုံး ဘာလုပ်၍ ရနိုင်သည်ဆိုသည့် အဖြေတစ်ခုခုတော့ ရသွားရန် ရည်ရွယ်ထားသည်။ အလုပ်အကိုင် အခွင့်အလမ်း အတွက်လည်း ဖြစ်သွားနိုင်သည်။ အနာဂတ်အတွက် တစ်ခုခုကို သိမြင်သွားရန် ဖြစ်နိုင်သည်။ အမေရိကန်ပြည်ထောင်စုကဲ့သို့ ကနေဒါတွင်လည်း STEM ဆိုသည်က သူတို့အနာဂတ် စိတ်ကူးအ်ိပ်မက်များ ဖြစ်သည်။

“ကျွန်တော်တို့က ကျောင်းသားတွေကို STEM နဲ့ နည်းပညာဟာ ဘယ်လိုတွေ ဆက်စပ်နေတယ်ဆိုတာ သိသွားစေချင်တယ်။ လူ့ဘောင်အဖွဲ့အစည်းထဲမှာ STEM ရဲ့ အရေးပါမှုကို မြင်ပြီးတော့ သူတို့လုပ်ချင်ကိုင်ချင်စိတ်တွေ ပိုပြီးဖြစ်လာအောင် ရည်ရွယ်ထားတယ်” ဟု ဤပွဲကို ဦးဆောင်သူ Actua အဖွဲ့၏ စီအီးအို ဂျနီဖာဖလာနာဂန်က ပြောကြားသည်။ 

“ကျွန်တော်တို့ ကလေးတွေကို သိချင်တာတွေ အများကြီး ရှင်းပြတယ်။ သူတို့သိချင်တာတွေက အနာဂတ်မှာ ဘယ်လောက်အထိ အရေးပါနိုင်တယ် ဆိုတာတွေလည်း ပြောပြတယ်။ အထူးသဖြင့်တော့ သူတို့ကို လုပ်ခိုင်းခဲ့ Workshop တွေဟာ သူတို့ကို ကျောင်းပြန်ရောက်ရင် ဆက်ပြီးတော့ စိတ်ဝင်စားသွားနိုင်စေမယ့် အကြောင်းအရာတွေပဲ။ ဒါကြောင့် မအောင်မြင်မချင်း ထပ်ကြိုးစားခိုင်းတယ်။ ထပ်လုပ်ခိုင်းတယ်” ဟု ဂျနီဖာက ဆိုသည်။ 

ကနေဒါနိုင်ငံ၏ ၂၀၁၅ ခုနှစ် GDP တွင် နည်းပညာတစ်ခုတည်းဘက်က ရသည့် ပမာဏမှာ ဒေါ်လာ ၁၁၇ ဘီလီယံ ဖြစ်သည်။ ဘရွတ်ဖီးလ်အဖွဲ့၏ ၂၀၁၆ ခုနှစ် ဇူလိုင်လက ထုတ်ပြန်သည့် အစီရင်ခံစာတွင် နည် ပညာလုပ်ငန်းပိုင်းဆိုင်ရာဘက်၌ အလုပ်လုပ်နေသူပေါင်း ၅ ဒသမ ၆ ရာခိုင်နှုန်းက တိုင်းပြည်၏ GDP တိုးတက်အောင် ကြံဆောင်ပေးနေသည်။ အစိုးရက ပုဂ္ဂလိက ရင်းနှီးမြှုပ်နှံမှုနှင့် နည်းပညာ ရင်းနှီးမြှုပ်နှံမှုတို့ကို လွတ်လပ်ခွင့် ပေးလိုက်သည်နှင့်အမျှ ကျောင်း တွက ပညာရှင်များကို မွေးထုတ်ပေးရန် အရေးတကြီး လိုအပ်လျက်ရှိသည်။ 

ကနေဒါနိုင်ငံ တိုရွန်တိုတက္ကသိုလ်၏ အင်ဂျင်နီယာဌာနသည် အစိုးရကျောင်းပေါင်း ၃၅၀ မှ ဆရာများကိုခေါ်ပြီး သင်တန်းတွေပေးခဲ့သည်။ တစ်နှစ်တာ တက်ရသည့် ထိုသင်တန်းတွင် ဆရာ ဆရာမများအား ကွန်ပျူတာ ကုတ်ရေးနည်းနှင့် ဒစ်ဂျစ်တယ် သဘောတရားများကို သင်ပေးသည်။ ဆရာများကို STEM ဆိုသည့် သဘောတရားအား ဦးစွာပေးပြီးမှ သူတို့ ကျွမ်းကျင်တတ်မြောက်မှုများကို ကျောင်းသားများအား ပြန်ပြီးပို့ချခိုင်းသည်။ ဆရာများတတ်မှ ကျောင်းသားများကို ကောင်းစွာပျိုးထောင်နိုင်မည် ဖြစ်သောကြောင့် ဆရာများကို နည်းပညာနှင့် ဦးစွာရင်းနှီးစေရန် တိုရွန်တိုတက္ကသိုလ်က ကြံဆောင်ပေးခဲ့ခြင်း ဖြစ်သည်။ 

ကနေဒါနိုင်ငံတွင် Go North ဆိုသည့် ပရိုဂရမ်ကို တိုရွန်တိုတက္ကသိုလ်၊ Googleနှင့် Actua ဟုခေါ်သော အဖွဲ့အစည်းသုံးရပ်က ပူးပေါင်းအကောင်အထည်ဖော်နေခြင်း ဖြစ်သည်။ သူတို့ဦးတည်ချက်က အခြေခံကျောင်းများမှသည် တက္ကသိုလ်အဆင့်အထိ ပညာရှင်များ မွေးထုတ်လာရန်ဖြစ်သည်။ ထို့ကြောင့် ဆရာများကို နည်းပညာဆိုင်ရာ သင်တန်းများ ဦးစွာပေးပြီးမှ ကျောင်းသားများ၏ အစွမ်းအစကို မြေတောင်မြှောက်ပေးရန် အဆင့်ဆင့် ပျိုးထောင်ကြသည်။

STEM ဘာသာရပ်အတွက် အသက်အရွယ် အပိုင်းအခြား အကန့်အသတ်မရှိပါ။ STEM နှင့် ပတ်သက်သည့် ကျွမ်းကျင်မှုများကို အတန်းတိုင်း၊ အဆင့်တိုင်းအတွက် အကောင်အထည် ဖော်ပေးနိုင်ပါသည်။ တက္ကသိုလ်မရောက်လာမီ ကတည်းက ကွန်ပျူတာများနှင့် ရင်းနှီးလာခဲ့ပြီး ဖန်တီးနိုင်စွမ်းများ ရှိလာသည့် ကလေးများအား တက္ကသိုလ်များက ထပ်မံပြီး လမ်းကြောင်း တည့်ပေးလိုက်ရန်သာ ဖြစ်သည်။ 

“ကျွန်တော်တို့မှာ ကွန်ပျူတာသိပ္ပံ နည်းပညာပိုင်းဆိုင်ရာနဲ့ ပတ်သက်ပြီး ကမ္ဘာက အံ့အားသင့်လောက်အောင် စွမ်းဆောင်နိုင်တဲ့ တက္ကသိုလ်တွေ အများကြီး ရှိပါတယ်။ ကျောင်းတွေမှာရှိနေတဲ့ ကလေးတွေကို ကမ္ဘာနဲ့ ယှဉ်နိုင်အောင်ဆိုတာ သူတို့ကို မလေ့ကျင့်ပေးဘဲ မရဘူး။ ဒါကြောင့် ကျွန်တော်တို့က ကလေးတွေကို STEM နည်းပညာရပ်မှာ ပိုပြီးစိတ်ဝင်စားအောင် လုပ်ပေးဖို့လိုတယ်။ ဒါမှ ကမ္ဘာကို ယှဉ်နိုင်မယ်” ဟု Google အဖွဲ့မှ ဒေါက်တာခရစ်စတီဖင်ဆန်က ပြောကြားသည်။ သူက တိုရွန်တိုတွင် သိပ္ပံနှင့်နည်းပညာကို ပညာရေးတွင် ထည့်သွင်းသင်ကြားရေး ပရိုဂရမ်အား လာရောက်လုပ်ကိုင်နေသူလည်း ဖြစ်သည်။ 

ဤဖြစ်စဉ်အားလုံးကို ပြန်လည်သုံးသပ်ရန် လိုပါသည်။ ပထမအချက်မှာ သိပ္ပံနှင့်နည်းပညာသည် တိုင်းပြည်ဖွံ့ဖြိုးတိုးတက်ရေးအတွက် အဓိက အချက်အချာကျကြောင်း အားလုံး လက်ခံကြသည်။ နည်းပညာကို တက္ကသိုလ်ရောက်မှ သင်ခြင်းထက် အောက်ခြေအလယ်တန်း အထက်တန်းအဆင့်မှာကတည်းက အခြေခံလာရမည်။ အရေးကြီးသည့်လုပ်ငန်း ဖြစ်သော အောက်ခြေ အခြေခိုင်ရေးအတွက် ဆရာများကို ဦးစွာ ပညာပေးရမည်။ တက္ကသိုလ်များသည် တစ်တပ်တစ်အား ဝိုင်းဝန်းကူညီပြီး နည်းပညာကို ဖွံ့ဖြိုးအောင် လုပ်ပေးရမည်။ အားလုံး ဦးတည်ချက်သည် နည်းပညာကြောင့် နိုင်ငံစီးပွား ဖွံ့ဖြိုးတိုးတက်စေရန် ဖြစ်သည်။

တက္ကသိုလ် ဆိုသည်မှာ ဘာသာရပ်ဆိုင်ရာ ကျမ်းကြီး ကျမ်းခိုင်များကြားတွင် အိပ်ငိုက်နေရမည့် ဌာနကြီးတစ်ခု မဟုတ်တော့ပါ။ အောက်ခြေနှင့်အထက် ပေါင်းစည်းရေး၊ အနာဂတ် အလုပ်အကိုင် အခွင့်အလမ်းများ ဖော်ဆောင်ရေး၊ အနာဂတ် လိုအပ်ချက်များကို တစ်ဖက်တစ်လမ်းမှ ဖြည့်ဆည်းပေးနိုင်ရေးအတွက် အကောင်းဆုံး နေရာတစ်နေရာအဖြစ် သတ်မှတ်ကာ လုပ်ဆောင်လျက် ရှိနေကြပြီ ဖြစ်သည်။ တက္ကသိုလ်သည် အပြောမဟုတ် အလုပ်နှင့် သက်သေပြနိုင်သည့် နေရာတစ်ရာဟု ကလေးတွေ မြင်လာပြီး တက္ကသိုလ်ကို ရောက်လာချင်အောင် ဖော်ဆောင်ပေးနေသော တိုရွန်တိုတက္ကသိုလ်၏ အင်ဂျင်နီယာဌာန လုပ်ဆောင်ချက်များမှာ လေးစားဖွယ်ရာဖြစ်သည်။
 
Blogger Tips and TricksLatest Tips And TricksBlogger Tricks Blogger Tips and TricksLatest Tips And TricksBlogger Tricks
Support : Creating Website | Johny Template | Mas Template
Copyright © 2011. အရှင် အာလောက .Zp - All Rights Reserved
Template Created by Creating Website Published by Mas Template
Proudly powered by Blogger